អ៊ុយក្រែន៖ ស្ថានទូតចិនប្រចាំនៅទីក្រុងគៀវ បានណែនាំពលរដ្ឋខ្លួនទាំងអស់ ដែលកំពុងស្ថិតនៅក្នុងប្រទេសអ៊ុយក្រែន ត្រូវស្នាក់នៅក្នុងផ្ទះ និងដាក់ទង់ជាតិចិននៅជាប់យានជំនិះរបស់ពួកគេប្រសិនបើចាំបាច់ត្រូវធ្វើដំណើរចេញក្រៅ។
សេចក្តីថ្លែងការណ៍របស់ស្ថានទូតបានលើកឡើងថា៖ «ស្ថានភាពនៅក្នុងប្រទេសអ៊ុយក្រែនកាន់តែយ៉ាប់យ៉ឺនយ៉ាងខ្លាំង។ មានការទម្លាក់គ្រាប់បែកនៅក្នុងទីក្រុងជាច្រើន ហើយប្រតិបត្តិការយោធាកំពុងដំណើរការ»។
ស្ថានទូតចិនបានបន្ថែមថា ប្រសិនបើជនជាតិចិនកំពុងបើកបរលើដងផ្លូវ ត្រូវដាក់ទង់ជាតិចិនដែលអាចមើលឃើញលើរថយន្ត៕
